En liten framtidsplan til 5-7 Juni

Eg kjem til å ta fri (fråvær) frå skulen fyrste fredagen i juni for å få med meg informasjonsmøtet til Explorius i Drammen. Då skal vi fyrst køyre til Bergen og ta fly til Oslo, og sidan tek vi flytoget til Asker på torsdagskvelden. Billegaste måten å reise på for heile familien, seier pappa. Så bur vi hos tante Randi & co saman med mamma og pappa, Ingrid og Håkon. For at eg skal få studentvisum så må eg møte på Den amerikanske ambassaden. Eg skal ha intervju der fredag føremiddag. Før det må eg ha fått eit skjema får USA som stadfestar at eg skal bu der. Det har eg ikkje fått endå, men 5 juni er lenge til så eg har godt tid (endå). Før eg reiser i haust så må eg møte Explorius personleg, det skal eg gjere litt seinare på fredagen.

Ellers så skal vi på Tusenfryd på laurdagen (takka være veslebroren), men det blir kjekt!

På søndagen skal eg som nemnt på informasjonsmøtet til Explorius. Då seier det seg sjølv at eg kjem til å få ein haug med informasjon. I tillegg må eg ta ein engelsk test på ca 2 timar, trur eg. Sidan eg alt har fått plass, så trur eg ikkje dei kjem til å stoppe meg i å reise om eg rotar det litt til på den testen, så nervane er ikkje så veldig i høgspenn - hehe...