Val av fag

Det er fleire fag eg er interessert i enn dei som er nemnt under, men eg veit ikkje kva dei går ut på endå. Rådgjevaren på skulen i Wabasha har sagt at eg kan velge 12 fag, men at engelsk og amerikansk historie er obligatorisk. Eg sende ein epost til ho der eg spurte om dei faga eg vel, om dei gjeld for heile året, eller om eg skal ha dei kvar veke i kvart semester. 14 fag i veka er vel litt i meste laget?

Har tenkt litt meir på kva slags fag eg skal velge, og det er mange interessante. Eg har ein tremenning i Texas, og han har ei veldig snill dotter som forklarte nokre av faga. Her er dei eg veit kva handlar om, og som eg er interessert i å ta:

Stress management er eit fag der du lærer korleis du skal handtere stress seinare i livet. Det kjem eg heilt sikkert til å få bruk for!

Creative Writing: I dette faget får ein vanlegvis frie oppgåver der ein kan skrive det som ein kjem på. Ein får td. ei overskrift og ei opa oppgåve der ein kan skrive kreativt. Dette faget kan eg få mykje igjen for, trur eg. Blir jo flink til å skrive engelsk:)

Design and Printmaking: Sannsynlegvis eit fag litt meir for kunst. Printmaking er kopiering av kunstnaren sitt arbeid. Men det kan også vere ei klasse i grafisk design. Om det er det, trur eg at eg vil ha dette faget også.

Information processing. Eg trudde dette hadde noko med media å gjere men det er antakeleg eit fag der ein lærer det grunnleggande i ulike Microsoft Office program.

Senior Media Arts Production er faget som liknar mest på det eg lærer på Media og Kommunikasjon på Vassenden. Her lærer ein om TV, radio, film og program som høyrer til.

Team Sports - Basic physical Education (P.E): Her blir ein introdusert for ei rekkje sportar som fotball, basketball, volleyball, tennis, softball, friidrett osv. Det ser ut som dette faget er veldig likt det gymfaget vi har i Norge.

Lifetime Sports er eit gymfag som fokuserer på aerobics, cardio, vekttrening o.l. Navnet seie vel ein god del, om eg ikkje tek feil.

Spanish A: Det heite Spanish A fordi det er ein spansk klasse for nybyrjarar. Spansk er faktisk det mest populære språket å ta i skulane i USA!